الإسلاميون نازلون الميادين

بسم الله الرحمن الرحيم

الإسلاميين نازلين الميادين

يقول الله عزوجل في كتابه
{يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ }آل عمران200

أكتب تلك المقالة وأنا كلي حماس وحيوية وأحس أن أطراف أصابعي تتحرك على لوحة المفاتيح بشكل سريع لتعلن معها فرحتها بما اكتبه فإنها تحس أنني أحمل بشرى لها .
بالفعل هذه المقالة بالنسبة لي أحسها مقالة تسجل في تاريخي أن يأتي اليوم الذي نعلن فيه جميعاً توحدنا على كلمة واحدة حتى وإن كانت تلك الكلمة قادمة من وجهات نظر مختلفة ولكننا أستطعنا أن نتحد على كلمة واحدة وهي الخروج يوم الجمعة القادم 29-7-2011 هذا اليوم كان يمر علي دائماً بشكل عادي اللهم وأن كان هذا اليوم هو نفسه يوم ميلاد أخي الكبير أحمد حمدي ولكني بعد يوم الجمعة القادمة أعتقد أني سوف أنسى ربط هذا اليوم بيوم ميلاد أخي لكي أربط هذا اليوم في عقلي الباطن بيوم الإرادة الشعبية ؛ هذا اليوم الذي سوف نخرج فيه جميعاً إلي ميدان التحرير ذلك المكان الذي أرتبطنا معه منذ يوم 25 يناير أرتبطنا معه في أحزنا و أفرحنا .
لماذا أخترت أسم المقالة الإسلاميين نازلين الميادين .!!
أعتقد أن منكم يعترض على تلك التسمية ويحاول أن يقول بالمصريين نازلين الميادين ولكني أثرت أن أذكر ذلك اللقب الذي صدعنا منه منذ يوم الإستفتاء ؛ حاول الكثير مما يدعون المعرفة والفكر والتنوير أن يلقبونا بهذا الأسم ( الإسلاميين ) وتارة أخرى يظهر المثقف المناهض المجاهد ويلقبنا بلقب ( التيار الإسلامي السياسي ) وتنقل على قناة أخرى ليظهر العلامة الحبر الفهامة ويقول (( الوهابيين )) .!!
وانا أقول لكم إِنْ هِيَ إِلَّا أَسْمَاء سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَان .!!

لذلك أقول للجميع أصحاب الأقلام الذهبية والعقول المهلبيية .!!
الإسلاميين نازلين الميادين ,نعم سوف ننزل ونقول بصوت عالي : أسفينا أحنا برضوه فاهمين .!!
فاهمين المخطط – فاهمين اللعبة – فاهمين أنتوا عايزين أيه – فاهمينكم وعارفينكم .!!

يجب على كل مشارك في الجمعة القادمة أن يعلم لماذا هو ذاهب هناك ؟
اتكلم معاكم شوية بالمصري كده : في شوية ناس كده بعد موضوع الإستفتاء اللي اتعمل يوم 19 مارس وكانوا بيقوله لا للتعديلات الدستورية صحيوا من النوم لقوا الشعب المصري قال نعم للتعديلات الدستورية وكانوا في صدمة كبيرة أوي وقاعدوا مع بعض نعمل ايه يا واد يا فلاني نعمل ايه ياواد يا علاني ,أها أحنا نعمل شوية قلق كده في التحرير وننزل نقول عايزين محاكمات للنظام السابق ونتكلم شوية عن اللي ماتوا ونعلي صوتنا ممكن المجلس العسكري يسمعنا , وبعدين وبعد ما الناس تمشي نفضل قاعدين ونقولهم أحنا مش ماشيين النهاردة لحد ما ينفذوا طلبتنا , طيب ايه طلبتكم يا حلوين , أحنا عايزين الدستور الاول , طيب ما الشعب قال غير كده , مالناش دعوة أهيه أهيه أحنا عايزين الدستور الاول , طيب نعملكم أيه والله العظيم الشعب قال غير كده , مالناش برضوه دعوة احنا بنعرف أكتر من الشعب وعلى العموم أحنا عندنا اقتراح ممكن نعمل حاجة أسمها مبادئ فوق دستورية أو مبادئ حاكمة علشان الناس الوحشيين الأشرار اللي هيجوا في الإنتخابات مايلعبوش في الدستور , مبادئ أيه يا خويا فوق دستورية يعني أيه ؟ يعني نجمع ناس من النخبة اللي بيفهوا كويس أوي ونقعد مع بعض ونجتمع ونخرج عليكم ومعنا ورقة صغيرة ونقول لكم خدوا دي مبادئ فوق دستورية ماشي , بس الشعب مش هيوافق , وأحنا مالنا بالشعب وهو الشعب هيعرف أكتر منا .!!!

أحنا بقا يا حلوين هننزل يوم الجمعة الجاية علشان نقول لكم أن الشعب مش عايز الورقة دي .
بس خلاص .!!!

الخلاصة : انا عايز أشوفك يوم الجمعة الجاية هتلاقيني بأمر الله تعالى في الميدان ممكن تلاقيني قصاد المجمع وممكن عند شركة السياحة وأكيد أكيد مش هكون موجود عند كنتاكي .!!!

أشوفكم على خير يوم الجمعة القادمة
محمد حمدي