نهاية الكلام في موضوع اعتذار ساويرس

نهاية الكلام في موضوع اعتذار ساويرس :::::يا جماعة الناس اللي العاطفة بتحركها بسر...عة كده اللي هما برضه اتعاطفوا مع مبارك في الخطاب الثاني وساعتها كان هيجيلي فعلا انهيار عصبي وحسيت إنه كله راح ... بنقول للناس دي ارجعوا لموقف صغير من سيرة النبي صلى الله عليه وسلم عشان تعرفوا إزاي المؤمن لازم يبقى كيس فطن .. كان فيه واحد اسمه أبو عزة الجمحي كان من الناس اللي بتقول شعر سيء في الرسول والإسلام فلما اتاخد أسير في بدر قال للرسول صلى الله عليه وسلم أنا أصلا مش ضدك ده أنا باخد فلوس على الشعر وعندي أولاد ومكنتش أعرفك وسامحني فالنبي صلى الله عليه وسلم برحمته عفا عنه وكان من الممنون عليهم من أسارى بدر .... جت غزوة أحد برضه قال شعر يسيء فيه للرسول والإسلام ويحرض على المسلمين وبرضه اتاخد أسير ... قال للنبي نفس الكلام بالضبط ومن للصبية ودي آخر مرة وجت بظروفها وجربني رد عليه النبي صلى الله عليه وسلم ردا خالدا حكيما والحديث صحيح:ـ
قال : (لا واللَّه لا تمسح عارضيك بمكة ، تقول خدعت محمدا مرتين, لا يلدغ مؤمن من جحر مرتين) ثم أمر بضرب عنقه
لاحظوا الرسول علمنا التسامح لما عفا عنه أول مرة وعلمنا الذكاء والفطنة لما رفض تاني مرة اعتذاره

وفي القرآن إشارة لذلك بقول يعقوب في قصة ابنه يوسف عليهما الصلاة والسلام: (هَلْ آمَنُكُمْ عَلَيْهِ إِلا كَمَا أَمِنْتُكُمْ عَلَى أَخِيهِ مِنْ قَبْلُ)

ساويرس دي مش أول غلطة ولو نسينا وعدت حترجع تسيء تاني .. لا ... لن ندعك تمشي في الخفاء وتمسح عارضيك وتقول أهنت المسلمين عشرات المرات ومحصليش حاجة ... لا يلدغ مؤمن من جحر مئة مرة....دي مش أول حملة لمقاطعة ساويرس وهو عارف وكان يطلع في الإعلام كثيرا يحاول يظهر في صورة الوطني المظلوم